تقدمت ممرضه لامتحان الاسعافات الاوليه فسالتها المشرفه
تعملى ايه لو اخوكى ابتلع مفتاح الباب
قالتلها اخرج من الشباك
واحد غبى حدف لحبيبته ورده ماتت ليه؟
عشان نسى يشيل الورده من الزهريه
واحد غبى لقى قرد فى الشارع راح لعسكرى المرور
وقاله اوديه فين قاله وديه جنينه الحيوان
راح ورجع تانى يوم لعسكرى المرور ومعاه القرد
العسكرى قاله مش قولتلك وديه جنينه الحيوان؟
قاله ما انا وديته امبارح جنينه الحيوان
النهارده هوديه السينما !!!!!!
واحد احول عنده حمامه حوله
حب يدخلها القفص حطها برا
والحمامه جت تهرب راحت داخله القفص
واحد فشار اوى بيقول لصاحبه انا كنت ماشى فى صحرا
طلع عليا اسد نطيت فى البحر صاحبه قاله بحر ايه بس فى الصحرا
قاله لا انا قلت لاقيت او الهول اتشعلقت فى رقبته صاحبه قاله ابو الهول ايه بس
ايه اللى هيجيب ابو الهول فى الصحرا
قاله وانا ماشى فى الصحرا طلع عليا اسد اكلنى ....ارتحت؟
مره اتنين متاخرين على المدرسه الاستاذ بيسال الاول انت ايه اللى اخرك ؟؟؟
قاله كانت فى خمسه جنيه ضايعه وبدور عليها
فمسك التانى وانت ايه اللى اخرك قال
ما انا اللى كنت دايس عليها !!!
مره واحد سرق فرخه وراح عند البحر ونضفها واكلها
جه الضابط وقاله انت سرقت الفرخه قاله لا ياباشا
قاله والريش ده؟؟؟
قاله دى نزلت تستحمه وقالتلى اخلى باللى من الهدوم
مره اتنين ستات عواجيز نفسهم يتجوزو راحو على النادى
وقالو اول ولد هيعدى هنقوله,
ولما واحد عدى, واحده منهم قالتله
تتجوزنى يا امور قالها انا اتجوز كلبه وماتجوزكيش
التانيه قالت هوهو
واحد فتح الباب وقعد يصرخ ويقول حماتى هترمى نفسها من الشباك
سالوه وانت زعلان ليه ؟؟؟
قالهم الشباك مش راضى يتفتح
اتنين صحاب واحد قال للتانى اعلمك الرزاله وتعلمنى الرخامه؟؟؟
قاله ماشى راح صاحبه قال هى دى الرزاله
وجاب التليفون وطلب رقم وقال هشام موجود؟؟ قالو له الرقم غلط
طلب تانى نفس الرقم وقال هشام موجود؟؟ قالوله الرقم غلط
وكرر كده كذا مره وقاله هى دى الرزاله
صاحبه قاله هات التليفون وطلب نفس الرقم وقال
انا هشام حد سال عليا؟؟؟؟؟؟ وهى دى الرخامه
واحد غبى حب يعمل ارهابى......خطف ابنه.....ماحدش سال عليه ...قتله
واحد محشش قاعد مع صحابه وبيكلمهم انا مره طلعلى
اسد وكان فى ايدى كبايه ميه رميته بيها طلع يجرى
رد واحد من اللى قاعدين قاله
صح انا لما قابلت نفس الاسد وضربته بالقلم ايدى اتبلت
مره واحد بيقول لصاحبه اسكت مش حماتى ماتت امبارح
قاله لا حول الله يا رب وماتت ازاى الست دى؟؟
قاله وانا واقف معاها فى البلكونه وقعت من الدور الخامس... قاله
لا حول الله يا رب دى موته وحشه اوى...
قاله لا ماهى ما وقعتش على الارض
قاله امال ماتت ازاى؟
قاله وقعت على سلك كهربا.... قاله يا ساتر يا رب
دى موته وحشه اوى ماتت من الكهربا طبعا...
فقاله لا ياعم .. ماهى الكهربا كانت مقطوعه.. قاله امال ماتت ازاى بس؟
قاله اصل السلك نطرها فى حمام السباحه... قاله لا اله الا الله
ماتت غرقانه.....
قاله بس ياعم اعوذ بالله.. ماهى اول ما نزلت فى الميه ... الطشه رفعتها على منط الحمام
وطلعت عندى فى البلكونه تانى...قاله
امال انت بتقول ماتت ازاى؟؟؟؟
قاله ما انا لما مالقيتش فايده رحت خنقها
اتنين اغبيه ماشين فى صحرا
طلع عليهم اسد.. راح واحد منهم حدف عليه طوبه وطلع يجرييييييي وبص وراه
لقى صاحبه واقف مابيجريش قاله
مش بتجرى ليه؟
قاله واجرى ليه ؟ هو انا اللى ضربته؟؟؟؟؟
مره واحد رخم درسه كان بيوجعه راح للدكتور قاله
اخلعلى كل دروسى وسيبه لوحده زى الكلب
واحد عند دكتور العيون
فالدكتور ساله تقدر تميز العلامات اللى فى اللوحه دى؟
قاله طبعا
بس هى فين اللوحه؟؟؟؟!!!!!!
واحد غبى ماسك قنبله عمال يحدفها
من الايد دى للايد دى
قابله واحد وقاله يخرب بيتك ولما تنفجر فى وشك
قاله متخافش معايا غيرها
واحد غبى راح يصطاد سمك
الطعم خلص منه
راح جايب ورقه وكاتب عليها طعم
بعد شويه الصناره غمزت طلعها
لقى ورقه مكتوب عليها سمكه!!!!!!!!!!!!!!!!
نساء العالم تحدن وقررن ان لا يقومو باى اعمال فى المنزل وبعد اسبوع تجمعو ليعرفو نتائج الاضراب
فقالت الفرنسيه انا قلت لجوزى ميشيل انا مش هعمل حاجه فى البيت الاسبوع ده
وقالت
اول يوم ماشوفتش حاجه تانى يوم ماشوفتش حاجه تالت يوم بدا يغسل ويمسح
وقاللى انتى بتتعبى اوى يا حبيبتى
وقالت الزوجه الانجليزيه
انا قولت لجوزى انا مش هعمل حاجه فى البيت الاسبوع ده
وقالت
اول يوم ماشوفتش حاجه
تانى يوم بدا يعمل الاكل
تالت يوم عشانى وغدانى برا
جت المصريه وقالت
انا قلت لابو العيال انا مش هعمل حاجه الاسبوع ده
وقالت
اول يوم ماشوفتش حاجه
تانى يوم ماشوفتش حاجه
تالت يوم بدات اشوف
شويه بعينى الشمال
موضوع: نكت مصريه حلوة اووووووووووووووى 
الثلاثاء 02 سبتمبر 2008, 17:25
